“مخبز دوفال” لبسمة السباعي في طبعة خامسة عن دار الوطن

كتب – محمود أنور

أصدرت دار الوطن للنشر والتوزيع، طبعة خامسة من رواية “مخبز دوفال” للكاتبة بسمة السباعي، وهي من بين الروايات الأكثر مبيعا في إصدارات الدار منذ صدورها في معرض القاهرة الدولي للكتاب 2021.

نقرأ في الرواية: أصعب وأقسى وقت في الحياة وقت فراق الأم..

تحس إنك مش فاهم حاجة.. ماتت ازاي؟! طب هتعمل ايه؟! طب هتعيش ازاي اصلا؟!

بعد ما توصلها بيتها الأخير هترجع عايز تكلمها تشتكي لها من مر وجعك.. بس مش بتلاقيها..

هتفضل عايش مستني مكالمتها.. مقابلتها.. هتفضل كل يوم تحسب عدى كام يوم على يوم وفاتها.. هتفضل كل يوم تفتكر نفسك بتحلم وهتفضل كل يوم مستني نفسك تصحى من الحلم وتلاقيها عايشة وتجري عليها تحكي لها على حلمك الوحش بفقدانها..

كل يوم بتدرك إن لا فقدانها حلم.. ولا أنت قادر تتعود..

وجع فراق الأم.. لا بيقل.. ولا حد بيقدر يتجاوزه.. بنعيش اه.. وبنكمل.. والحياة بتمشي مبتقفش.. بس احنا اللي بنكمل وقلبنا مش فينا.. بنكمل بردانين وكأنها كانت الدفا والغطا والبيت والحيطان والقلب والروح وسنين العمر والضحكة.. فا لما راحت.. راح كل ده.. وفضل أنت.. بس نسخة منك.. نسخة فاضية من جوه.. شكل بس.. صورة منك.. لكن مش أنت..

حقيقي مفيش أي مشكلة تستاهل الزعل طول ما حضن أمك لسه موجود.