سلايدرفنون

أول رد من شيرين على تسريبات والد حسام حبيب (فيديو)

كتب – إيهاب ناجى

تداول رواد مواقع التواصل الاجتماعى، خلال الساعات القليلة الماضية، تسريبات صوتية لوالد زوج الفنانة شيرين عبدالوهاب حسام حبيب، عن مخطط ابنه فى الاستيلاء على أموال زوجته شيرين، ونيته الزواج بأخرى من أجل إنجاب أطفال

ونفى والد حسام حبيب هذه التسريبات وأنها تهدف لخراب البيوت، وأن الصوت ليس صوته وأنه سيقاضى الجريدة التى نشرت هذه المعلومات.

وفى أول رد فعل لشيرين عبدالوهاب على هذه التسريبات، علقت من خلال فيديوهين قائلة: «عاوزه أطمن كل الناس على صحتى أنا كويسة وحسام زوجى إنسان من أنضف رجالة الدنيا ومتربى وبيحبنى أكتر من نفسى وميستهلش منكوا كم القساوة دى عشان أنتوا متعرفهوش، هو بنالى شخصيتى ورجعلى ثقتى بنفسى حسام بيحبنى أنا وبناتى ومن ساعة متجوزنى معملش أي حاجة الست حماتى اللى ربت راجل ست عظيمة وأدعو ليا أنا وحسام بالذرية الصالحة وحسام نقى ونظيف».

وأضافت فى الفيديو الثانى: «الفيزا بتاعتى مش معاه وكل الكلام مش مظبوط لأنى كلى كده بتاعته زوجى راجل من عيلة وعيلة محترمة أوى ومقبلش أن حد يكلم عليه كده ولا هو ولا والدته وحسام راجل مفيش زيه بقالنا 4 سنوات متجوزين ولو كان عاوز يستفيد منى كان عامل أغنية سينجل وكل الناس بتختلف وبتتخانق عادى وحسام بيحبنى وحاسة معاه بالأمان كفاية إنه طلع من حياتى كل الناس اللى بتستغلنى وطلع كل الثعابين والحاجات الفاسدة».

 

موضوعات متعلقة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى