تعرضت الفنانة منة فضالى لتهديد من مخرج العمل الذى تشارك فيه، ويدعى صفاء الدين عيدى، وهو مخرج عراقى، صورت معه العديد من مشاهد العمل وكان متبقى 7 أيام على الانتهاء من تصوير العمل.
وظهرت منة فضالى فى بث مباشر على حسابها الشخصى على موقع التواصل الاجتماعى «فيسبوك»، قائلة: «أنا عندى مشكلة كبيرة جدا وحبيت أطرحها على كل الناس، وعشان ميكنش فخ لكل الناس وزمايلى يقعوا، أنا دخلت فيلم مع مخرج عراقى طلبنى فى شركة بالمهندسين، وقالى إنه عنده فيلم مهم وفيه ممثلين مهمين جدا ومنهم الفنان مجدى كامل وأسماء كثيرة».
وأضافت: «روحت أصور الفيلم وكان ذوق ومحترم جدا، وقالى معايا منتج من بره مصر، ويوم التصوير لقيت كل الكاست اتغير ومافيش غير الفنان مجدى كامل، وتفاجئت إن كل شوية الناس بتطلب فلوسها فيتقال ليهم مافيش فلوس.. فى ناس بتقول مش محتاجة فلوس والكلام اللى أنا مش هرد عليهم، لأن أنا دخلى الوحيد الشغلانة دى».
وأوضحت فضالى أن الكثير من زملائها المشاركين في الفيلم تعرضوا للتهديدات من قبل هذا المخرج، قائلة: في ناس كثيرة معايا تعرضوا للإهانات والبلطجة واتغير المنتج الفنى، وطلب منى يجيلى البيت وجالى مع منتج اسمه حاتم فاروق، وقالولى معلش هنستأنف التصوير مرة أخرى، وخلونى اعتذرت عن عمل فى لبنان».
وأشارت الفنانة منة فضالي إلى أن مخرج العمل استغنى عن جميع أبطاله، وأجّر أحد البلطجية للتصدى لكل من يطالب بأجره، متابعة: اللى بيجى يطلب فلوسه بيضربه.. جايب له بلطجى وبيحبسه فى الأوضة، وباعت للمنتج الفنى الجديد تهديدات وأى حد هيطلب منه فلوسه.. إحنا مُعرضين للهجوم على بيوتنا فى أى وقت، حتى بتاع البوفيه ليه 2500 جنيه.. راح طلبهم وحبسوه فى أوضة والبلطجى دخل ضربه، وأنا قدمت شكوى لنقابة المهن التمثيلية».
