غير مصنفمصر

طفل المهرجانات يثير الجدل بشرائه سيارة بـ3 ملايين جنيه

كتب – محمود رضوان:

نشر سامر المدنى الملقب بطفل المهرجانات، صورة له أمس، على مواقع التواصل الاجتماعى وهو يجلس فوق سيارة Range Rover سعرها يقرب 3 ملايين جنيه وكتب: «مفيش مبروك ولا إيه على الـ Range Rover وجاهزين يوم الخميس للاحتفال الساعة 6 مهرجان شيطان.. يلا إحنا جامدين والله».

وقد أثارت الصورة التى انتشرت على مواقع السوشيال ميديا جدلا كبيرا، حيث انقسم متابعوه بين القبول والهجوم عليه.
فعلق أحدهم: «طب مش مكمل المحاضرة اللى بقراها»، كما علق آخر: «الحكمة من الصورة إن ليس أي سيارة يمكن إدخالها للجراج وشكرا»، بينما كتب ثالث: «واحسرتاه على الشهادة اللي بنموت عشان ناخدها».
كما أن هناك من شعر بالسعادة لـسامر وتمنى له التوفيق «يا شباب الناس كلها داخلة تشتم فيه محدش يبص في عيشة حد ده واحد بيحلم وبيحقق حلمه وربنا يزيده»، وعلق آخر: «ألف مبروك بالتوفيق والنجاح وربنا معاكم دايما وربنا يعطيك أكتر والرزق الوفير ويبارك في أهلك».
ورد «سامر» على تعليقات التطفل، قائلاً: «الناس اللي بتقول هتحط الشهادة فين طب ما تشتغل وتتعب وهتوصل للبتحلم بيه ولا أنت قاعد ف البيت تبص لده جاب إيه ودا جاب إيه.. أسعى وأشقى وهتجيب أحسن مني ومن غيري.. صباح الورد على كل حبايب قلبي.. صباحكم كله رزق إن شاء الله».
يذكر أن سامر طفل صغير وجد طريقه فى مجال الغناء الشعبي، وحقق ملايين المشاهدات على اليوتيوب وتطبيق التيك توك، ومن أشهر المهرجانات التي قام بغنائها «أشرب حشيش، مهرجان شيطان، مهرجان أنا محترم أنا مش محترم».

موضوعات متعلقة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى