= شادية: عيوبك إنت عارفها عشان أنا تملي بقولهالك وأنا زنّانة أنا عارفة إني زنّانة كتير
أول حاجة إنك رغّاي رغّاي قوي خصوصًا يعني في التلفون
– صلاح: ممكن أدافع عن نفسي؟
= شادية: إتفضل
– صلاح: أنا برغي في التلفون غير في الشغل؟
= شادية: ممكن تتكلم في التليفون بإختصار هو لازم رغيّ رغيّ رغيّ
– صلاح: إيش عرفك الطرف التاني بيقولي إيه؟
= شادية: لأ إنت بطبيعتك رغّاي دي معروفة، العيب التاني عارف لمّا نيجي نخرج المفروض الراجل يستنى الست لغاية ما تلبس وتجهز وبتاع هو بيلبس قبلي لكن كل مرة ألبس أنا وأروح الأسانسير وأستناه يمكن خمس دقايق وأنا عمالة أقوله يلا يلا إيه بيرتب في البيت قبل ما نمشي لازم يُحط كل حاجة مطرحها بعدين ينزل دا العيب التاني
– صلاح: ده عيب برضو؟
= شادية: أما العيب التالت وده خطير جدًا إنك بتغني أنا نفسي بس تقول حاجة علشان الناس تُعذرني يعني وتقول ده عيب ولا مش عيب قول حاجة والنبي حاجة صغيرة كدا
– صلاح: لا لأ وده معقول، أولاً أنا بستفرد بيكي وبغني لأني مش لاقي حد في الدنيا يتحمل غنايا غيرك وده حقي الشرعي
