كتبت – ندى هشام
أكد مصدر داخل نقابة الموسيقيين لليوم السابع ان مجلس النقابة برئاسة “هاني شاكر” تحدث فى اجتماعه الأخير عن رفع إيقاف مغني المهرجانات حسن شاكوش عن الغناء، ولكنه أكد انه لما يصدر قرار رسمي حتي الآن.
وقام المجلس بوقف الفنان حسن شاكوش فى نوفمبر من العام الماضي، وبرر مطرب المهرجانات الشعبية حسن شاكوش، موقف إساءته للفرق الموسيقية، فى بث مباشر عبر حسابه الشخصى بموقع فيس بوك، وقال “انا مقدرش أغلط فى الفرق الموسيقية، اسألوا أى فرقة أنى مقدرش أغلط فى أى حد من الفرق الموسيقية، أنا طلعت مع كل فرق مصر”.
وأكد أيضا الفنان فى تصريحات تلفزيونية قائلا: أنا موقوف عشان مشكلتى مع رضا البحراوى، واتراضينا، ورحنا النقابة، واتوقف هو شهرين وأنا اتوقفت لأجل غير مسمى.
واضاف “أنا بقول للناس أنا عمرى ما أغلط فى أى عازف ولا عمرى ما أغلط فى أى طبال ولا أى بتاع مزيكا، لانهم إخواتنا وحبايبنا، انا عامل اللايف ده علشان اوضح وجه النظر، دى أول غلط ليا من ساعة ما دخلت المجال”.
وتابع شاكوش: “أنا ورضا وفرقة رضا البحراوى أخوات وحبايب، أنا اشتغلت مع فرقة رضا أكتر من 10 مرات وهما أخواتى واسألوهم، وعمرى ما زعلت حد من الفرق الموسيقية، وليهم كل الاحترام والتقدير، أنا بتأسف لكل الفرق الموسيقية والطبالين والعازفين”.
ونهي كلامه تعليقا على قرار وقفه “نقابة المهن الموسيقية على راسنا من فوق، وأى قرار على راسنا من فوق وانا راضى بيه وكل خيره وفيها تأخيره إن شاء الله”.
