كتبت – عفاف عادل
حل الفنان وائل عبدالعزيز شقيق الفنانة ياسمين عبدالعزيز، ضيفا على المذيعة ياسمين عز من خلال برنامج «كلام الناس» الذى يذاع على شاشة mbc مصر.
وتحدث وائل عبدالعزيز، خلال الحلقة عن أزمته الأخيرة مع شقيقته الفنانة ياسمين عبدالعزيز، وتراشقهما عبر مواقع التواصل الاجتماعى، مقدما اعتذاره لها على ما حدث بينهما من خلاف.
وصرح شقيق ياسمين عبدالعزيز، خلال حواره،: «خدت قرار مش هرد تاني، وأنا موجود لما تحتاجيني ولو رأيي ميهمكيش ومش محتجاني فتمام، وغلطت لما كتبت على السوشيال والمهم نعتذر، والاعتذار من شيم الرجال، وأنا بعد كده مش فاضي غير لشغلي وربنا يكرمنا كلنا».
واضاف وائل: «والأمور اللي مش بنلاقي فيها حل بنسيبها، ونشوف مين الصح ومين الغلط، ومن حبي لأختي ياسمين بقيت عامل زي القطة اللي كلت ولادها، واتعلمت درس كبير وهو إني متكلمش على السوشيال ميديا».
واختتم شقيق ياسمين عبدالعزيز حديثه قائلا: «الإنسان خطاء وبنغلط، المهم إن الغلط دا نتعلم منه الدرس.. أكيد التجربة ما كنتش ظريفة إن الواحد يمر بيها، بس أنا اتعلمت منها كتير».
