كشف رئيس تحرير برنامج “صباح الخير يا مصر” المذاع على شاشة التليفزيون المصرى على القناة الأولى، محمد المعتصم، حقيقة أزمة ظهور هيفاء وهبى بالتليفزيون.
وكتب محمد المعتصم عبر صفحته على موقع “فيسبوك”: “محمد حماقى وهيفاء وهبي.. ضيوف صباح الخير يا مصر، تابعوا اللقاءين اللى عملتهم هدير أبوزيد وهيتذاعوا فى برنامج صباح الخير يا مصر وبرنامج التاسعة”.
وحول حقيقة إجبار التليفزيون هيفاء وهبى على ارتداء «بنطلون بدلا من الشورت»، التى انتشرت خلال الساعات الماضية على مواقع التواصل الاجتماعي، حول منع حلقة ، وإجبار هيفاء وهبى من قبل أسرة برنامج “صباح الخير يا مصر”، على ارتداء بنطلون بدلاً من الشورت الذى كانت ترتديه خلال حفلها بمدينة العلمين.
واستكمل محمد المعتصم، حديثه قائلاً: “ملحوظة: ورحمة أمى ما قلنا لهيفاء وهبى البسى بنطلون.. علشان السؤال ده جالى من اكتر من 100 موقع مصرى وعربي.. هى اللى قالت: احتراما لـ صباح الخير يا مصر والتليفزيون المصرى وجمهوره الصباحى ما ينفعش الشورت.. بس نعمل ايه الموقع اللى نشر القصة دى حبايبى واخواتى ( قالك مخرج البرنامج أجبرها.. مع ان ماكانش فيه مخرج من الأساس).
وأضاف محمد المعتصم: “تأجيل عرض هيفاء وهبى كان لأنه هيتعرض فى التاسعة كمان مش لأسباب ليها علاقة البنطلون.. عموما اللى عايز يتفرج على هيفاء يتفضل يشوفها فى التاسعة النهاردة واللى عايز يتفرج على اللقاء ويعرف شوية كواليس.. يشوفنا بكرة فى صباح الخير يا مصر”.
