كتبت – عفاف عادل
حل مطرب المهرجانات حمو بيكا ضيفاً في برنامج “حبر سري”، مع الإعلامية أسما إبراهيم، والمذاع على شاشة القاهرة والناس، فى تمام السادسة والنصف مساء، خلال رمضان الجارى.
وكشف بيكا خلال اللقاء عن سبب مرضه المتزايد خلال الفترة الماضية تكاليف علاجه، قائلا: “المرض بتاعي مناعي بمعنى أن الجهاز المناعي المفروض بيهاجم أي باكتيريا ضارة والجهاز المناعي جاله خلل وبالتالي بيهاجم أي حاجة فى أجهزة جسمي”.
وأضاف: “ساعات برجع دم، وباخد إبرة تهدى جهاز المناعة عشان اعيش من جديد ، والإبرة الأولي كانت 120 ألف جنيه، وكل شهرين المفروض باخد ابره تمنها 20 الف جنيه”.
وتابع: “لما جت جائحة كورونا خفت آخد الحقنة عشان مش هيبقى فى مناعة في جسمي، والمرض ده جالي بعد الشهرة وممنوع أكل حاجات كتير وعايش على المكرونة وشوربة الخضار ولسان العصفور والميه نفسها مش بشربها، والناس اللي بتتريق عليا وعلى بطني ده اصلا مرض ودلوقتي مش معايا أخد الإبره”.
