كتب – إيهاب ناجى
نشر الفنان تامر حسنى، عبر حسابه الرسمى على موقع تداول الصور “إنستجرام”، مجموعة صور من كواليس فيلمه الجديد “بحبك”، رفقة الفنانة الشابة هنا الزاهد، التى تشاركه البطولة النسائية فيه.
وعلق تامر على الصور قائلا: “مساء الهنا على أغلى ناس على قلبى أنا.. دى صور من أول يومين تصوير لفيلمنا الجديد (بحبك).. طبعاً فى ناس هتقرا اسم الفيلم بحبِك وناس هتقراه بحبَك”.
وأضاف: “دا طبعاً مقصود عشان فى درامة الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثى للرجل في أحداث فعلاً محيره جداً .. الفيلم اكيد فيه ضحك بس في إطار رومانسي بحت مش موجود بقاله كتير”.
وتابع حسنى: “اتشرفت بمشاركة نجمة اليوم والمستقبل الجميلة هنا الزاهد ومبسوط اني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم”.
وأكد: “مبسوط جداً لمشاركة حبيب قلبي نجم الكوميديا الكبير حمدي الميرغني اللي هيعمل ان شاء الله شغل رهيب في الفيلم كعادته الجميلة.. وللأسف لسه مصورش علشان أنزل صوره بس في اول يوم تصوير ليه ههريه صور”.
وأوضح: “نتظروا بعد أيام انضمام نجمة جميلة مميزة من نجوم المستقبل اللي هيكون ليها مستقبل كبير ان شاء الله ، وفرحان جداً بانضمام الفنان الموهوب أوي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه”.
واختتم تامر حسنى، قائلا: “الفيلم من إنتاج حبايب قلبي وأصدقاء العمر سينرچي احمد بدوي / تي ايتش برودكشن حسام حسني / سكاي ليميت أحمد الدسوقي”.
