قال الباز فى تصريحاته عبر فيس بوك:
لو يعرف نجيب ساويرس يعنى ايه جيش مصر، مكنش اتكلم عنه بالطريقة الصبيانية دى.
لو يعرف معنى إن الجيش_المصرى قرر بعد هزيمة ٦٧ رفض أى شكل من أشكال جمع التبرعات عشان المجهود الحربي وإنه يتجه لإنتاج بعض الصناعات بنفسه حتى يكون قادر على سد احتياجاته واحتياجات أفراده مكنش هلفط الهلفطة المعتادة بتاعته اللى تقريبا كل ما يلاقى وقت فاضى عنده يقعد يتحفنا بنظرياته السخيفة دى.
ولو كان يعرف ما يتحمله الجيش فى الدفاع عن أمن البلد دى واستقرارها وسط انهيار جيوش المنطقة واحد تلو الاخر مكنش اتريق ولا قال الكلام ده خاصة فى التوقيت الحرج ده بس هو تقريبا معتقد إن دمه خفيف وبيجرب خفة دمه فينا كل شوية.
الكلام اللى قاله نجيب ساويرس عن الجيش المصرى فى إحدى مقابلاته الاعلامية يستحق المساءلة.
وانا باتقدم ببلاغ رسمى إلى #المدعى_العسكرى للتحقيق مع نجيب ساويرس فى اساءته للجيش المصرى.
