كتب – بيجاد سلامة
ولد محمد رجب في 27 مايو 1975، بمنطقة ساقية مكي بالجيزة وألتحق بمدرسة الطلائع الإعدادية ومدرسة الثانوية العسكرية بالجيزة وكان يحلم أن يلتحق بكلية الشرطة إلا أنه في الأخير دخل كلية الإعلام، بعد تخرجه عمل لفترة في التلفزيون المصري.
بدأ حياته المهنية مساعد للمخرج طارق العريان في فيلم “السلم والثعبان” وكانت مسئوليته في الفيلم مساعدة الطفلة (مها عمار) على أداء دورها، وإن كان قام بأدوار صغيرة في تلك الفترة مثل دوره في فيلمي “المصير، عمر 2000″، وكانت أولى بطولاته السينمائية فيلم “ثمن دستة أشرار”، وبعدها توالت بطولاته.
وعن سر لقبه “آل باتشينو العرب”
فقال بأحد البرامج: كلمة “آل باتشينو العرب” طلعت عليا بعد فيلم “الحفلة” من قبل الصحافة، ولم أطلق ذلك على نفسي، على الرغم من أني أحب صوت آل باتشينو، وكنت بحضر لفيلم بقالي 3 سنين وكنت بركب خيل والفيلم طلع مش عايز خيل، وبعدها قالولي “إحنا آسفين إنت مش معانا”، وكنت مديون لهم بـ15 ألف جنيه أجري عن الفيلم ده، فاشتغلت بيهم مساعد مخرج، عشان أسد اللي عليا.. طلعت جبل سانت كاترين واتصورت صورة مع هاني سلامة والصورة دي سبب مشواري كله، وبسببها جابتني إيناس الدغيدي، وشوفت آل باتشينو متصور زيها بالظبط، وكنت حاططها في مكتبي قبل ما أدخل التمثيل أصلاً”.
