كتبت – عفاف عادل
تصدرت الإعلامية سالى عبدالسلام تريند الأكثر تداولاً علي موقع “جوجل”، بعد كشفها عن معاناتها مع مرض الثعلبة مرة أخرى، وذلك من خلال صفحتها الرسمية على موقع التواصل الاجتماعي “فيسبوك”.
وناشدت «عبدالسلام» جمهورها بالدعاء لها قائلة: “أنا فى الابتلاء ده من ٢٠١٧.. آخر مرة جتلى الثعلبة فى شعرى ومشيت وقالولى مش هتيجى تانى كان من سنتين نفس الشهر ده بالظبط أبريل ٢٠٢٠ عند الناس بتيجى بالواحدة.. أنا حتى فى دى ربنا بيختبرنى بزيادة.. سبحانك يارب”.
وتابعت: “يبتليك الله ويختبرك فى اكتر حاجة بتحبها أو كانت مميزة زمان.. الرضا من عندك يا رب عشان يبدأ يروح منى”.
واستكملت سالى: “رجعت أكتر حاجة بتوجع فى الدنيا حقن الكورتيزون فى الراس! ٧ حقن فى عضم الرأس بـ ٧٠ شكة، والدموع بتقع منى غصب عنى والله مع انى عمرى ما بعرف اعيط قدام حد ! الدكتورة سالى حضنتنى ربى يسعدك”.
واختتمت سالى عبدالسلام: ” ادعوا لى يعفو عنى وماخدش كورتيزون كورسات كاملة تانى واتبهدل تانى وابدأ من أول وجديد تانى والوجع تانى.. اللهم انك عفو كريم تحب العفو فاعف عنا.. اللهم أجرنى فى مصيبتى واخلف لى خيراً منها”.
