كتب – إيهاب رضوان
نشر الفنان تامر حسنى مقطع فيديو للمطربة الشابة أمل منسى وهى تغنى أغنيته «كفاياك أعذار»، عبر حسابه الرسمى على موقع تداول الصور والفيديوهات الشهير «إنستجرام»، مشيدًا بصوتها.
وعلق تامر على الفيديو قائلا: «الله عليكى يا أمل إيه الإبداع دا كله بجد براڤو.. الكلمات فعلاً روعة للشاعر أحمد إبراهيم، وتحياتى للفنان المتميز روبرت على عزفه المبدع.. بجد براڤو عليكى وعليكوا كلكوا».
وأضاف: «قريت كلامك وفى أقرب فرصة هتغنى معايا إن شاء الله.. ربنا يوفقكم يا شباب يا مبدع».
بينما نشرت المطربة الشابة أمل منسى صورة تجمعها بالنجم تامر حسنى بعد نشره مقطع الفيديو الخاص بها وإعلانه دعمه لها، عبر حسابها الرسمى على موقع الصور والفيديوهات «إنستجرام»، وعلقت: «أنا بجد مش عارفه أقول إيه أو أكتب إيه!! أنا حلم حياتى إنى كنت أشوف حضرتك وحاجة كبيرة أوى عندى إن حضرتك اللى تطلب تقابلنى».
وأضافت: «وبجد مبسوطة أوى بكلام حضرتك ونصايحك ليا مش هقدر أوصف قد إيه أنا فخورة بأنى قعدت وغنيت مع فنان كبير بحجمك.. شكرًا جدا ع المفاجأة دى وع كلام حضرتك ليا.. أنا لحد دلوقتى مصدومة ومش عارفة أكتب أو أعبر عن فرحتى».
واختتمت أمل قائلة: «بحبك أوى بجد وبحب كل حاجة حضرتك بتقدمها وبتعملها شكرا جداا».
يذكر أن أمل منسى، قد نشرت مقطع الفيديو التى تؤدي فيه أغنية «كفياك أعذار» عبر حسابها على «إنستجرام»، وعلقت قائلة: «مش قادرة أقول إنى مسمحاك رد على كفاياك أعذار أنا بحب حضرتك جدًا ونفسى أغنى مع حضرتك».
