شنت الإعلامية الكويتية مى العيدان، هجومًا شديدًا على السيناريست تامر حبيب، بسبب تصريحاته التى أدلى بها بشأن أزمة تواجد الفنانين بفرح فى نفس يوم عزاء الفنان الراحل سمير غانم .
كما وجه الجمهور أيضًا انتقادًا للسيناريست لغيابه عن حضور وظهوره فى فيديو يرقص فى نفس اليوم مع الهضبة عمرو دياب فى فرح نجل أيمن الجميل بالجونة.
وكتبت مى العيدان عبر «إنستجرام»، قائلة: «انت من دخلك أصلا بالموضوع هما تكلموا عن النجوم ما اتكلموا عن الكومبارس.. خليك أرقص وانزل حمام السباحة وبلبط وإن شاء الله لما تموت والدتك بعد عمر طويل هرقص ونغنى ونهز وهنجيب يسرا تهز معانا وتلبس أحمر لأنها متعودة تهز بعد الجنازات».
وأضافت مى العيدان: «هاعمل حفلة على حسابى عشان تعرف إحساس لما الناس حواليك تكون فرحانة ولا معبرة جرحك وانت قاعد لوحدك مكسور على فقدان غالى».
كان تامر حبيب برر عدم حضوره جنازة سمير غانم قائلًا، «طيب، أنا فعلاً حزين وموجوع على وفاة الأستاذ سمير غانم، وللأسف ماقدرتش لأروح الجنازة والدفنهة لأنى فى الجونة وحصلت ظروف تمنعنى أسافر الصبح وارجع بالليل علشان أروح الفرح، وللحق الفرح كان جميل وطاقته كانت حلوة، فرقصت وغنيت مع عمرو دياب واتصورت مع اصحابى.. حد عايز حاجة؟».
وتابع «أوصى كل اللى بيحبونى وهايزعلوا عليا، يوم ما أموت ويبقوا حزانى من قلبهم، لو كان نفس اليوم فيه أى حاجة ممكن تبهجهم وتنسيهم حزنهم يعملوها فوراً.. وأنا هابقى مبسوط قوى».
